Kanadanın Ontario əyalətinin parlamenti 2009-cu ilin may aında əslən urmiyəli olan deputat Rza Moridi tərəfindən təklif edilən layihəni qəbul edərək, vilayətdə Beynəlxalq Ana Dili Gününün rəsmən tanınmasına dair qərar qəbul edib.
UNESCO-nun 1999-cu ildə 21 şubat Beynəlxalq Ana Dili Günü elan etdikdən bir neçə il sonra İranda yaşayan azərbaycanlılar bu bayramla bağlı tədbirlər keçirməyə başlayıblar.
İlk illər tədbirlər universitetlərdə mədəni mərasim və seminar şəklində keçirilirdi. Ancaq İran İslam Respublikasının tədbirləri qadağan etməyə başlamasından sonra 2007-ci və 2008-ci illərdə Ana Dili günü İran Azərbaycanının bir çox şəhərində kütləvi etirazlarla müşayiət olmuşdu.
Amnesty International 2007-ci martın 9-da yaydığı hesabatda həmin il 21 Şubat Ana Dili Günü etirazları ilə bağlı Urmiyədə təqribən 50, Sulduzda 25, Ərdəbildə 20, Zəncanda 25 nəfərin, Qoşaçay şəhərində isə bir çox azərbaycanlının həbsi ilə bağlı məlumat vermişdi.
MƏTN HƏCMI
Türkçe karakter kullanılmayan ve büyük harflerle yazılmış yorumlar onaylanmamaktadır.